बॉलिवूड अभिनेता सुशांत सिंग राजपुतचे आत्महत्या प्रकरण दिवसेंदिवस वेगळीच वळणे घेत आहे. या प्रकरणात सुरुवातीपासूनच कणखर भूमिका घेतलेली कंगना राणावत बरीच चर्चेत आली आहे. यातच मुंबई पोलिसांना उद्देशून कंगणाने केलेल्या एका वक्तव्यावर भाजप नेते निलेश राणे चांगलेच भडकले असून त्यांनी ट्विट करत कंगणाला सुनावले आहे.
२ सप्टेंबरला कंगणाने मुंबई पोलिसांना उद्देशून एक ट्विट केले होते. त्यात ट्विटरवर आपली बदनामी करणारे ट्विट मुंबई पोलिसांनी लाईक केले असल्याचा आरोप केला होता, जो मुंबई पोलिसांनी फेटाळून लावला होता. तसेच मुंबई पोलिसांनी हे ट्विट आपण लाईक केले नसल्याचे ट्विटमधून सांगितले होते. त्याच ट्विटला उत्तर देतांना कंगणाने मुंबई पोलिसांवर खोटे बोलत असल्याची टीका केली.
या गोष्टीची दखल घेऊन निलेश राणेंनी ‘मुंबई पोलिसांचा अपमान सहन करणार नाही’ अशा शब्दांत कंगणाला सुनावले. आपल्या ट्विटमध्ये ते म्हणाले की, “2/3 अधिकारी प्रेशर मध्ये आले म्हणजे संपूर्ण पोलीस डिपार्टमेंट दोषी होत नाही. आम्हाला महाराष्ट्र पोलिसांवर अभिमान आहे. मुंबई पोलिसांवर बोलण्या इतकी राणावत कोण लागून गेली?? SSR आणि सालियान प्रकरणात खरे आरोपी पकडण्याच्या समर्थनात आम्ही आहोत पण आमच्या पोलिसांचा अपमान सहन करणार नाही.”
