बॉलिवूडचा दबंग खान म्हणजेच सलमान खानचा काल अर्थात २७ डिसेंबर रोजी ५४ वा वाढदिवस साजरी करण्यात आला. सलमानची बहीण अर्पिता खान गर्भवती असल्याने त्याचा वाढदिवस पनवेलच्या फार्म हाऊसवर साजर करण्याऐवजी सोहेल खानच्या वांद्रे येथील घरी साजरा करण्याचा आला. “सलमानने त्याचा वाढदिवस माझ्या मुलांसोबत साजरा करावा” अशी अर्पिता खान हिची इच्छा होती. म्हणूनच सलमानने कुठेही न जाता त्याचा यंदाचा वाढदिवस घरीच साजरा केला.
या वाढदिवसाच्या सेलिब्रेशन दरम्यान सलमानच्या घरी एक नवी चिमुकली पाहुणी आली आहे. अर्थात सलमान ‘मामा’ झाला आहे. सलमानची बहिण अर्पित खान हिने एका गोडस कन्यारत्नाला जन्म दिला आहे. मीडिया रिपोर्टनुसार अर्पिता हिला काल सकाळी आठच्या सुमारास रुग्णालयात हलवण्यात आले होते. दरम्यान तिने मुलीला जन्म दिला असल्याचे समजले आहे. संपूर्ण खान कुटुंबीय नव्या पाहुणीच्या येण्याने आनंद व्यक्त करत जल्लोषात तिचे स्वागत केले आहे.
